KOSOVA ME PERSPEKTIVË TË QARTË

Kryeministri Hashim Thaçi, në Bllacë të Hanit të Elezit të martën zbuloi Pllakën përkujtimore, në shenjë të eksodit të shqiptarëve. Me këtë rast, kryeministri Thaçi 24 marsin e cilësoi si ditë historike për Kosovën, por edhe për rajonin, ditë e fillimit të bombardimeve të NATO-s pas dështimit të negociatave që u zhvilluan në Rambuje dhe në Paris.

“Kjo ditë shënon thellimin e aleancës së Kosovës me Shtetet e Bashkuara të Amerikës, Bashkimin Evropian dhe me NATO-n. Filluan bombardimet për të ndalur pastrimin etnik, gjenocidin e ushtrisë, policisë dhe paramilitarëve serbë; për të përkrahur luftën e Ushtrisë Çlirimtare të Kosovës, për lirinë, për rendin demokratik, për shtet, për integrime euroatlantike”, theksoi kryeministri Thaçi, duke shtuar se sot është një ditë e kujtimit, ditë e sakrificës, ditë e mesazhit për botën.

“Ne zbuluam pllakën e përkujtimit, pllakën e vuajtjeve, të sakrificës së mbi gjysmë milioni të njerëzve që qëndruan me ditë të tëra këtu, të qytetarëve të Republikës së Kosovës, që qëndruan në të ftohtë, në shi e baltë, që u depërtuan me trena, dhunshëm u dëbuan nga shtëpitë e tyre. Gjithë ata njerëz që qëndruan nëpër maleve e fusha të bjeshkëve të Kosovës, që treguan vendosmërinë për të ardhmen e vendit tonë. Ato pamje, ngjarje të Kosovës së viteve ’98, ’99, ngjanë në një kaos të ri në këtë periudhë moderne të rrjedhave globale”, ka pohuar ai.

Duke folur për të ardhmen kryeministri Thaçi tha se Kosova sot është shtet i lirë, sovran dhe demokratik, me perspektivë të qartë për t’u integruar në strukturat e Bashkimit Evropian dhe në NATO. “Jemi këtu të gjithë së bashku si popull, si institucione të Republikës së Kosovës për të kujtuar të kaluarën, për të marrë zotime për të ardhmen”.

“Ne do të punojmë bashkërisht që t’i forcojmë institucionet tona, për të ecur përpara bashkërisht si popull, si institucione. Andaj, ky është vetëm një gjeste simbolik i përkujtimit të vuajtjeve e të gjithë studentëve, nxënësve, nënave, baballarëve, fëmijëve që qëndruan këtu në kushte të rënda të pritjes dhe kërcënimeve, por edhe i mesazhit të mbijetesës”, përkujtoi me këtë rast Thaçi.

Bravo ju qofte!

E meritoni tani nje jete te lire!

flm znj.te lire po,vetem duhet te punojme me shume me duket mua.