Jeta e disa artisteve

Titulli: Jeta e disa artisteve Tue Nov 18, 2008 10:57 am

Ketu do te postoni vetem jeten e artisteve si Shqiptar edhe te huaj.

Jeta e disa artisteve Argument_5

Dua përpikmëri! S’po bëj shaka!

“Pas
dhjetë minutëshit të parë të vonesës, fillon e mendon gjërat më të
këqija për dikë”. E ka thënë Dostojevski, por Gentit i duket aq i
gjetur, si të qe një varg bible. Të kesh një takim me Gent Zenelajn, me
siguri pret tw kalosh orë të kaluara mbushur me batuatat e një
humoristi. Por Genti nuk është Genti i Portokallisë. Pra të takohesh me
të nuk do të thotë se sheh ekskluzivisht një numër të pashfaqur të “The
Shblsh”. Por si çdokush dhe Genti mund të ketë ditë kur humori i buron
natyrshëm, bashkë me batutat e interpretuara me talent aktori. Kështu
mund të ndodhë që vërtet të shohësh ekskluzivisht një puntatë gazmore.
Por ama nëse ke shkuar me vonesë në këtë takim, kushdo qofsh, shanset i
ke të humbura. “Përpikmëria për mua është diçka shumë e rëndësishme. Aq
sa e zbatoj vetë, aq dua që ta respektojnë dhe të tjerët. Vonesat e
njerëzve, sidomos kur kalojnë 10 minuta, më nervozojnë. Aq shumë, sa
kushtëzohet pastaj humori dhe gjithë takimi. Kur dikush vonohet 20
minuta ai tregon se nuk ka respekt”. Ia del dot në këtë botë kur
partnerja kërkon kohën e saj për t’u bërë gati, kur trafiku e bën
rrugën si të ishte mbuluar me shtresë ngjitëse ku ngecin rrotat? Ia
del, por me mundim. “Kur shkojmë diku, unë jam gjithmonë një orë më
parë gati. Kështu që më duhet të pres. Sa për oraret e tjera, vështirë
t’i detyroj njerëzit, t’i respektojnë si unë. Është edhe e pamundur.
Kur ke mik një si Ermal Mamaqi, për shembull, duhet të dorëzohesh!”. I
mbetet të justifikojë me sforcim moskorrektësinë, duke menduar rastet e
rralla, kur ai vetë ka qenë me vonesë e madje ka sajuar dhe një version
më serioz se sa “më zuri gjumi”. Ç’të bësh përpikmëria nuk rri dot non
stop zgjuar!

Titulli: Re: Jeta e disa artisteve Tue Nov 18, 2008 10:59 am

Jeta e disa artisteve 247999%7EChristian-Bale-Posters

Christian Bale: Kalorësi i errët

Maska që i duhet të
mbajë është ndër
më të njohurat në
botën e kinemasë,
është armatura e famshme e Batmanit.
Por kur e heq atë i duhet të
vërë një tjetër. Këtë herë të padukshme.
Është ajo që e ndihmon
nga goditjet e botës reale, kur “të
këqijtë” nuk e shfaqin lehtësisht
identitetin e tyre. “Një aktor nuk
duhet të jetë më i rëndësishëm
dhe më i fuqishëm se figura,
apo personazhi që luan”, thotë
Bale. E gjithë karriera e tij mund
të përmblidhet pak a shumë me
këto fjalë. Ajo nisi në moshën
13-vjeçare, kur aktori i ri u gjend
në stafin e Spilbergut për filmin
“Perandoria e diellit”. Në vitin
2005 luajti në filmin “Makinisti”
dhe humbi shumë në peshë, që
të ishte sa më pranë personazhit.
Tashmë është 34 vjeç dhe i ka të
gjitha vetitë e mira e të këqija të
një uellsiani. “Unë jam thjesht
një aktor, jo
një politikan
dhe nuk më
pëlqen asnjëherë
të jem
publik, apo
të flas e të
dëgjoj që të
tjerët të flasin
për jetën
time dhe atë
të njerëzve që
dua. Jeta ime
nuk është një
copëz historie
që duhet
të përdoret
për publicitet, apo qoftë edhe
për të promovuar ndonjë film.
“Kalorësi i errët” e ka çuar në
personazhin e Batmanit. Ai luan
së bashku me të
ndjerin Heath Ledger. Edhe pse
roli i këtij të fundit është mahnitës,
Bale nuk është aspak xheloz.
“Jam përpjekur të jap më të
mirën dhe jam i bindur që e kam
dhënë, por sigurisht që aktorë të
mirë ka pafund. Në thelb nuk më
pëlqen të krahasohem”. Bale me
rolin e Batmanit mori përsipër
një ndërmarrje të vështirë, duke
qenë se pavarësisht se në libra
Batman është shumë karizmatik
në filma gjithmonë ka pasur
një karakter hera-herës të mërzitshëm.
“Nuk është se Batman
është i mërzitshëm, por ndryshe
nga sa mund të mendohet se
është thjesht një rol i lehtë, është
në të vërtetë një rol filozofik. Ka
të bëjë me fuqitë që na jepen të
gjithëve dhe me sakrificat, apo
çmimin që duhet të paguajmë
për t’i pasur, apo për t’i ushtruar”.
Për Bale, Batman nuk është
një personazh karikaturash që
mjafton t’i veshësh maskën dhe
gjithçka funksionon. Për sa i
përket Heath, që nuk arriti ta përfundojë
filmin, për shkak të një
vdekjeje nga një mbidozë droge,
Bale thotë se ai ishte thjeshtë më
i miri i stafit dhe si për çudi pati
një performancë të jashtëzakonshme
në film, sikur
ta dinte se ishte fundi.
“Heather ishte Joker
në film dhe gjithçka
nis me një betejë mes
tij dhe Batmanit. Ky i
fundit e mund Jokerin.
Është një fillim
që sigurisht nuk do
të vazhdojë kështu,
por që në njëfarë
mënyre parathotë
fundin”.
Në
jetën e tij Bale ka tetë vjet i martuar
me modelen Sibi Blazic dhe
pavarësisht kësaj, ai nuk ka
ndryshuar shumë nga djaloshi
i viteve më parë. Ka një vajzë
trevjeçare dhe ndihet shumë
i ri. “Ime bijë i adhuron
personazhet negativë. Kur
e pa filmin ajo ishte gjatë
gjithë kohës me Jokerin
dhe nuk i pëlqeu që unë
luaja Batmanin. Po
pres ditën që ajo më
në fund ta kuptojë që
i ati i saj është thjesht
një aktor dhe që
mund të luajë role të
ndryshme. Sot jam
Batman, por nesër
mund të jem djalli
vetë”. Historitë kinematografike
të
Batmanit, edhe pse
janë reklamuar shumë,
nuk kanë shitur
aq sa parashikohej.
Ato tërheqin njerëz
të të gjitha moshave.
Deri tani janë
realizuar tre filma
dhe i fundit pritet
që të jetë me të
vërtetë më i suksesshmi
prej
tyre.
Përgatiti:

G.Fusha

Titulli: Re: Jeta e disa artisteve Tue Nov 18, 2008 11:27 am

Fare fiks!

Vetëm
fiks fare që nuk është Gent Pjetri nëpër takime. Nuk i kujtohet ndonjë
pikë kthese që e ka bërë atë nga një njeri që respekton oraret, në një
që nuk do t’ia dijë për to. Me sa duket kështu ka qenë gjithmonë. Kur
ai pranon moskorrektesën e vet katastrofale të duket një mrekulli që
çdo ditë arrin të regjistrohet e transmetohet emisioni “Fiks fare”. Por
e kundërta nuk do ndodhte kurrë. “Në punë nuk ka au-iu. Oraret fikse
duhen respektuar”. Edhe vite më parë, kur shprehja “au-iu” nuk ishte
bërë publike, e dinte mirë se duhen ndarë rrethanat kur orari është një
detyrim dhe kur nuk është e gjithashtu dhe qëndrimi që duhet mbajtur.
Në rastet e para respektohet, në të tjerat shkelet me të dyja këmbët.
Prandaj dhe në shkollë kishte kujdes të mos e tepronte. Kur lirohet nga
detyrimet, di vetë ç’të bëjë. Për të tjerët që presin, nuk është se e
vret mendjen shumë. Faji i lehtësohet pastaj goxha dhe nga rrethanat
sepse askush nuk vjen fiks në orar. Nuk e vret mendjen as për
justifikime. Ata që e njohin nuk kanë nevojë për to. E dinë mirë se ai
kështu është. I pandryshueshëm edhe pse vonesat i kanë kushtuar. Se pse
vonohet një arsye fikse nuk e ka. Po me sa duket këto arsye te ai, kur
vonohet janë më të forta se ato që të shtyjnë për të shkuar në kohë.
Për diçka ama s’ke ç’i thua: nuk bën shpirtin e keq as me të tjerët kur
e lënë të presë. “Ngaqë unë vetë vonohem shpesh nuk mërzitem me të
tjerët kur bëjnë këtë gjë”. E pse të mërzitet? Aq jo korrekt sa është,
shumë rrallë i bie të ketë shkuar më parë se tjetri.

» KUR JETA SHKRUAN POEZI
» Mesime qe keni nxjerre nga jeta juaj...