Shëndeti i punonjësit

Bakteriet pathogjenike dhe viruset janë përgjegjëse për shumë raste të sëmundjeve të shkaktuara nga
mikroorganizma që prodhojnë helme. Një punonjës i infektuar nga ushqimi mund t’i transferojë organizmat
që shkaktojnë sëmundje tek ushqimi dhe/ose mjetet e kuzhinës. Simptomat mund të fillojnë (koha e fillimit)
brenda disa orëve ose disa ditëve mbasi të jetë ngrënë ushqimi i ndotur. Simptomat mund të zgjasin për 24-
48 orë, por mund të vazhdojnë për një javë ose më shumë. Disa njerëz paraqesin një rrezik tepër të madh
ndaj sëmundjeve të shkaktuara nga mikroorganizma që shkaktojnë helme. Këtu përfshihen të vegjëlit, të
moshuarit, ata me imunitet jonormal dhe grate shtatzëna. Për të shmangur ndonjë shpërthim të sëmundjes,
është e rëndësishme që punonjësit e ushqimit dhe manaxherët e tyre t’i njohin këto gjendje dhe t’i
përjashtojnë nga përgatitja e ushqimit punonjësit e infektuar.

Përgjegjësitë e punonjësve
Shëndeti i punonjësit është një aspekt i
rëndësishëm për parandalimin e sëmundjeve që
shkaktohen prej ushqimeve me mikroorganizma që
prodhojnë helme. Pathogjenet mund të
transmetohen nga një punonjës i sëmurë tek
ushqimi. Për të shmangur ndonjë shpërthim të
sëmundjes, punonjësit e ushqimit duhet t’i
raportojnë simptomat dhe sëmundjet tek
administrata.
Punonjësi i ushqimit duhet ta informojë
administratën nëse:
1. Diagnostikohet me një sëmundje të shkaktuar
nga:
a) Tifoja e salmonelës,
b) Speciet Shigella,,
c) Speciet Ikoli,
d) Virusi i Hepatitit A; ose
e) Pathogjene të tjera të krijuara nga
mikroorganizma në ushqime që prodhojnë
helme, të tilla si speciet e Salmonelës,
speciet e Kamfilobakteries, Norovirusi,
speciet e Kriptosporidiumit, speciet e
giardias, aureusi i Stafilokokut ose
monocitogjenet e Listeriozës.
2. Ka simproma në lidhje me:
a) Një sëmundje akute gastro-intestinale, si
p.sh. diarre, temperaturë, të vjella, verdhëz
ose dhimbje fyti me temperaturë, apo
b) Një dëmtim në duar, kyçet e dorës ose
pjesë të ekspozuara të krahut që janë të
çara ose që rrjedhin. Në raste të tilla, duhet
të sigurohet një pengesë për ta mbuluar
plagën dhe duhet të përdoren doreza me
një përdorim të vetëm.
3. Ka patur ndonjë sëmundje nga:
a) Tifoja e salmonelës gjatë tri muajve të
fundit,
b) Speciet e shigellës ose Ikoli 0157:H7 gjatë
muajit të fundit ose
c) Hepatitin A gjatë muajit të fundit.
Përgjegjësia e administratës
Administrata duhet të marrë masa kur punonjësit e
ushqimit raportojnë simptoma dhe sëmundje.
Masat përfshijnë:
1. Mos e angazhoni në punë punonjësin e ushqimit
nëse është diagnostikuar me ndonjë nga
sëmundjet e shënuara në numrin 1 tek
Përgjegjësia e Punonjësit dhe raportoni tek
autoriteti rregullator. Mosangazhimet në punë
mund të ndërpriten nën miratimin e autoritetit
rregullator
2. Kufizoni punonjësin e ushqimit nga puna me
ushqimet e hapura, me pajisjet e mjetet e
pastra të kuzhinës dhe me artikujt e
pambështjellë dhe me një përdorim të vetëm
nëse punonjësi:
a) Po vuan nga simptomat e përshkruara në
numrin 2a të Përgjegjësisë së Punonjësit
ose
b) Nuk ka simptoma, por i ka dalë pozitive
nevoja e feçes për pathogjenet e shënuara
në numrin 1 të Përgjegjësisë së Punonjësit.