Mengjezi....

Titulli: Mengjezi.... Fri May 02, 2008 10:49 am

Mënyra më e mirë për të nisur ditën

Kërkimet e fundit të institutit
evropian mbi ushqyerjen
tregojnë se rreth 80 për
qind e evropianëve e nisin
ditën duke ngrënë mëngjes,
megjithëse askush nuk i
kushton atij më shumë se
11 minuta. Zakonisht, vakti
i parë përbëhet nga kafeja
dhe ndonjë biskotë. Meqenëse
është edhe
vakti i parë i ditës,
duhet të jetë i pasur,
i larmishëm, i
lehtë dhe mbi të gjitha të
konsumohet në qetësi, për
të evituar nisjen e ditës me
këmbën e gabuar

Imazhi është gjithmonë i njëjtë, nga një brez
te tjetri, pavarësisht kohës, punës apo moshës:
nëna dhe babai (ose të paktën njëri
nga të dy), përpara me filxhanët e ngrohtë dhe
tabakanë plot me kruasan apo ëmbëlsira të tjera.
Kështu i ilustrojnë mëngjeset televizionet
dhe gazetat prej më shumë se gjysmë shekulli.
Në të vërtetë, sot nuk është më kështu, sepse
luksi i vërtetë i këtij mijëvjeçari nuk është paraja,
por koha. Madje edhe në mëngjes. Sot nuk
na mungon asgjë: kafe, fruta në të gjitha stinët,
qumësht i shijshëm, bukë e çdo lloji, apo biskota
të shijshme që Evropa ka më shumë se 2000
vjet që i prodhon, na mungon vetëm koha. Me
pak fjalë, mëngjesi i bollshëm është pasqyra besnike
e zgjimeve tona të përditshme. Kërkimet e
fundit të institutit evropian mbi ushqyerjen tregojnë
se rreth 80 për qind e evropianëve e nisin
ditën duke ngrënë mëngjes, megjithëse askush
nuk i kushton atij më shumë se 11 minuta. Zakonisht,
vakti i parë përbëhet nga kafeja dhe
ndonjë biskotë. “Pak a shumë është njëlloj si të
fusësh gishtat në prizën e korrentit”, shpjegojnë
dietologët. Ata thonë se, meqenëse është edhe
vakti i parë i ditës, duhet të jetë i pasur, i larmishëm,
i tretshëm dhe mbi të gjitha të konsumohet
në qetësi, për të evituar nisjen e ditës me
këmbën e gabuar. Nga se duhet ta nisim? Nga
kapuçinoja plot yndyra dhe alkaloidë që lodhin
stomakun dhe mëlçinë, apo nga brioshët, gjalpi
dhe reçeli shumë i ëmbël? Mëngjesi më i dashur
që evropianët preferojnë ta hanë në bare është
shumë larg atij të shëndetshmit. Por edhe në
shtëpi gjërat nuk shkojnë më mirë, sepse zakonisht
mbi tavolinë dy ushqimet më të dashura
dhe më të shpeshta janë biskotat dhe kutia me
“corn flakes”. Këta të fundit, sipas një studimi
të kryer nga disa mjekë anglezë, përmbajnë një
sasi të madhe sheqeri. Sikur kjo të mos mjaftonte,
më shumë se gjysma e evropianëve prej
vitesh kanë hequr dorë nga mëngjesi familjar,
duke zëvendësuar ritin kolektiv me praktikën
e një personi të vetëm. Është vërtet për t’u
adhuruar që në disa vende të Evropës perëndimore
mëngjesi është pasaporta e duhur për
ta nisur mirë ditën. Praktika e shëndetshme e
të ushqyerit me briosh, qumësht, gjalpë, bukë
të thekur apo vezë të skuqura, proshutë dhe
bukë të zezë, është për t’u marrë shembull. Por
edhe pse shumica prej nesh e di rëndësinë e tij,
askush nuk merr guximin t’i kushtojë aq shumë
vëmendje. “Duhet të mësojmë të ushqehemi e
jo të hamë thjesht se jemi të uritur”, tregojnë
dietologët, të cilët e vënë theksin më shumë te
cilësia e ushqimeve, se sa te përmbajtja kalorike
e tyre. Atëherë i hapet plotësisht rruga djathit të
freskët, bukës me drithëra, me pak gjalpë dhe
marmelatë, apo kosit të përzierë me fruta dhe të
pasur me fara liri apo kungulli. Sigurisht, ata që
nuk shqetësohen fare për kilet e tepërta, mund
t’ia lejojnë vetes edhe një fetë proshutë mes një
sanduiçi të lyer me djathë dhie të freskët dhe
pak limon, që pavarësisht asaj që duket, barazon
vitaminat që do të merrnit përmes një gote
me lëng portokalli. Por përveç ushqimit, sekreti
qëndron te mënyra e ngrënies dhe shijimit.
Atëherë vërtet ia vlen që të ngrihemi gjysmë
ore më përpara se sa orari i zakonshëm. Ato që
zakonisht heqin dorë prej mëngjesi, janë zakonisht
femrat. Ndoshta ideja e kileve të tepërta i
tmerron. Kështu, sipas statistikave të bëra, një
në katër femra të moshës nga 25 në 37 vjeçe
zakonisht nuk hanë mëngjesin. Por nuk duhet
asnjëherë të harrojmë se studimet shkencore të
20 viteve të fundit kanë arritur në përfundimin
se mëngjesi është vakti më i rëndësishëm dhe i
domosdoshëm i ditës. Një mëngjes sado i thjeshtë,
me qumësht, reçel apo fruta, është burim
vitaminash. Ai bën të mundur një përqendrim
më të madh dhe rrit mundësinë për të kontrolluar
peshën. Kështu, studimet kanë treguar se
fëmijët që hanë mëngjes kanë arritur rezultate
të larta në provime dhe një nivel më të lartë të
përqendrimit në klasë. Ata gjithashtu janë më të
gjallë dhe më kreativë. E njëjta gjë vlen edhe për
të rriturit. Gjithashtu është vërtetuar se ata që
nuk hanë rregullisht vaktin e parë të ditës, kanë
më shumë mundësi për t’u bërë obezë. Shumë
të rritur nuk hanë mëngjes, me shpresë se do të
dobësohen. Për fat të keq, ideja e humbjes së
kilogramëve në këtë mënyrë është krejtësisht e
dështuar

HELMET
Me fundin e dimrit është e
domosdoshme ta nisësh ditën
duke e ndihmuar mëlçinë që të
eliminojë helmet nga organizmi.
Një gjë e tillë mund të bëhet
duke zëvendësuar ekspresin me
kafe elbi, për ta konsumuar këtë
të fundit bashkë me një frut dhe
pak maja birre të freskët të tretur
në ujë. Fruktozi preferohet më
shumë se sheqeri

Citim
57 litra
57 litra qumësht për person
pihen mesatarisht çdo vit
nga një evropian

6.2 kg
Kafeja është më e preferuar pas ujit.
Zakonisht konsumohet 6.6 kg për
person në vit

12.5 kg
Është sasia e biskotave që hahen
nga çdo evropian për mëngjes
gjatë një viti

6.5 kg
Është konsumi për person i kosit,
ku përfshihet si kosi i bardhë, ashtu
edhe ai me fruta

500 gramë
Drithëra, më pak të pëlqyerat. Jo më
shumë se 500 gramë për person gjatë
një viti

FEMIJET
Mëngjesi ideal për më të vegjlit është me bazë glucide, me karbohidrate që
asimilohen ngadalë. Gotës së qumështit të skremuar mund t’i shtohen disa
lugë “corn fl akes”, apo një copë bukë me marmelatë pa sheqer dhe një
frut. Në këtë mënyrë krijohet një raport i ekuilibruar i proteinave të tretshme,
kripërave, vitaminës B dhe fi brave

GRATE SHTATZENA
Është jashtëzakonisht ushqyes një gotë kos
natyror i pasuruar me fara (liri apo susami), corn
fl akes, për të konsumuar disa feta biskotash pa
sheqer, të lyera me reçel apo marmelatë. Mjalti
(mbi të gjitha ai i freskët) është gjithashtu një
ushqim i shëndetshëm. Pija mund të jetë sipas
zgjedhjes: kafe, çaj ose një gotë qumësht

SPORTISTET
Zgjedhja e të gjithë atyre që merren me aktivitete fi zike është
e llojit proteina dhe yndyra dhe sipas dietologëve: çaj ose
kafe, shoqëruar me bukë, gjalpë dhe reçel. Është e lejueshme
edhe veza e skuqur apo e zierë, e shoqëruar me një
fetë proshutë dhe një gotë lëng portokalli të shtrydhur. Të
hash një frut para se të nisësh të merresh me sport, shërben
për t’i bërë sheqernat menjëherë të disponueshme.

TE MOSHUARIT
Në mungesë të sëmundjeve të caktuara,
u duhet dhënë përparësi proteinave dhe
sheqernave. Është plotësisht i shëndetshëm
një fi lxhan çaji ose kosi, që shoqërohet me një
fetë buke drithi, pak marmelatë pa sheqer dhe
në fund një frut. Për të moshuarit është më
mirë të evitohen biskotat

Titulli: Re: Mengjezi.... Fri May 02, 2008 4:41 pm

Un per mengjes pi vetem 1 got juice ene gjysem banane apo ndonje frut tjeter, nga qumeshti kam hequr dore...e di qe eshte me i miri & i shendetshem por me eshte shpifur :| As vezet nuk i ha me...kam heq dor nga gjith kto gjona Ngaqe jam mesuar kur iki ne shkoll ha shpejt e shpejt vetem pak sa mos te iki me stomakun bosh, jam mesuar tani ene ne fundjave te njejtat gjona ha.

Titulli: Re: Mengjezi.... Fri May 02, 2008 4:53 pm

Megjesi eshte ushqimi me i recishem i dites ,por zakonisht shumica nuk harrin te han megjes,une nje got qumesht e shpejt ne shkoll .

Titulli: Re: Mengjezi.... Fri May 02, 2008 7:54 pm

yyyyyyyyyyyyyyyyyyyyyy dano gjysen i lexova gjysen i lash per neser Very

Titulli: Re: Mengjezi.... Thu May 08, 2008 12:36 am

une cdo mengjes capuccino dhe briosh me marmalate

Titulli: Re: Mengjezi.... Sun May 18, 2008 12:44 am

Biskota me qumesht Very